20 верасня – 75 год з дня нараджэння Ніны Мацяш, нашай зямлячкі, знакамітай паэтэсы, драматурга і перакладчыцы, лаўрэата літаратурнай прэміі імя А.Куляшова. Яе вершы прысвечаны свайму народу і Радзіме.
22 верасня ў ДУА “Спораўская СШ” прайшла літаратурна-музычная вечарына, прысвечаная юбілейнай даце з дня нараджэння Ніны Мацяш, якую падрыхтавалі настаўніца беларускай мовы і літаратуры Лютыч Людміла Сяргееўна і бібліятэкар школы Равенька Галіна Міхайлаўна.
У актавай зале сабраліся вучні старэйшых класаў. Сцефанюк Кацярына і Галах Анастасія пазнаёмілі гледачоў з жыццём і творчасцю паэтэсы. Паслухалі вершы ў сапраўным выкананні Ніны Мацяш, таксама дзеці з захапленнем слухалі песні, напісаныя на яе вершы.
Ніна Мацяш многа зрабіла для свайго роднага краю і з’яўляецца яго гордасцю.